Болест на денешницата: чувајте се од тумори!

Превенцијата е најдобар лек

Внимателно набљудувајте ги промените на своето тело, водете сметка за секоја ситница и навреме контролирајте се.

 Внимателно погледнете се

Според статистичките податоци, најчесто неоплазмите се јавуваат на кожата. Од сите забележани случаи, 14,2 % е малигниот меланом – еден од најагресивните тумори. Меланомите може да се препознаат веднаш, бидејќи многу наликуваат на обични младежи, но неоплазмата дури и визуелно се разликува од здраво ткиво. Заради тоа се препорачува систематски преглед на телото, внимателно проучување на секој младеж и старечка пега, осбено на оние новонастанатите. На тој начин многу  веројатно е да го откриете ракот на кожа во рана фаза, кога лекувањето е најефикасно.

Контрола на тежината 

Често ракот се развива во нашето тело, а притоа да не чувствуваме ниту еден симптом. Да речеме, може да се случи да спиеме доволно, правилно да јадеме и да се одмораме, а всушност постојано да сме уморни. Или да не сме ги смениле навиките во исхраната, а килограмите едноставно се „топат“. Во повеќето случаи карциномот на желудник, панкреас или бели дробови се крие зад ненадејното губење тежина.

Генетски анализи 

Предиспозицијата за многу видови карциноми е наследна карактеристика, а генетското тестирање открива мутации кои потенцијално може да ја доведат личноста во ризик од рак. Ако некој во семејството веќе имал рак, се препорачуваат овие анализи. На пример, на развојот на карцином на дојката влијаат посебните гени BRCA1 и BRCA2. Ако жената има нешто од ова, тогаш може да се каже дека спаѓа во ризична група.

Мамографија

Ова е современ вид на дијагноза или преглед на млечните жлезди со помош на рендгенски зраци. Секоја жена на возраст од 40 до 45 години, мора еднаш да се подложи на мамографија, а од 50 година од животот барем еднаш во две години мора да појде на овој преглед.

Рак на бели дробови

Тој е лидер меѓу карциномите кај нас. Според податоците од оваа болест заболува секој петти пушач. Во ризичната група спаѓаат оние кои се откажале од пушење пред помалку од 15 години. Постои метод со чија помош се одредува дали спаѓате во групата која е под ризик од рак на бели добови: помножете го бројот на испушени цигари со бројот на години кога сте пушеле, па добиениот број поделете го со 20. Ако индексот е поголем од 25, вие сте личност во ризична група.