Сетилото за мирис би можело да детектира болести како што се ракот на бели дробови, на дојка, дијабетесот, меланомот и уште многу други. Во иднина докторите би можеле преку мирисите да го утврдат постоењето на некои од најтешките болести. Она што е најважно е дека болестите вака ќе можат да се детектираат пред првите симптоми кои ни ги дава телото.
Еве кои се болестите кои би можеле да се детектираат преку здивот:
Прееклампсија – студија од „Advanced Materials Science” докажала дека докторите со 84 отсто сигурност можеле да ја дијагностицираат оваа состојба кај трудниците со просто мирисање на нивниот здив. Вашиот здив содржи единствени знаци кои многу кажуваат за вашето здравје.
Рак на бели дробови – докторите тврдат дека постојат одредени мириси кои ги емитуваат клетките на карциноми, а една израелска компанија изумила апарат кој во 90 отсто од случаите може да детектира рак на белите дробови од здивот на пациентите.
Болести на бубрезите – мирисот на амонијак во здивот на пациентите би можел да укаже на рана болест на бубрезите и на тој начин да го спречи развивањето на болестите и ефикасно лекување.
Болести на црниот дроб – кога црниот дроб потфрла со функцијата и престанува да ја обавува обработката на токсините истите ќе почнат да се таложат во урината, па дури и во здивот. Мирисот кој се создава кога ќе се случи ова е сличен на мирисот на свежа риба.
Мултипла склероза – според студијата „ACS Chemical Neuroscience” и оваа автоимуна болест може да има свој мирис. Истражувањето на здивот е вршено кај 146 заболени од мултипла склероза и на 58 здрави луѓе. Истражувачите добиле јасен образец.
Грип – научниците можеле со едноставно мирисање на телото на личноста да востановат дали боледува од грип или не.
Болести на непцата – доколку имате некој процес во непцата, бактериите кои се лачат во устата, лачат хидроген сулфид, кој има мирис на расипани јајца.
Дијабетес – луѓето кои боледуваат од дијабетес можат да имаат овошен мирис на здивот.
Мононуклеоза – еден од првите знаци на оваа болест би можел да биде киселиот мирис од устата на заболените личности.
Психички заболувања – лошиот здив обично се јавува кај луѓето кои боледуваат од шизофренија и останати психички заболувања.
Генетски пореметувања – бебињата родени со генетски пореметувања не можат да преработат одредени протеини што резултира со тоа мирисот на нивната урина и восокот од ушите да потсетува на јаворов сируп.
