Морате да водите сметка за ’рбетот и неговата положба во текот на целиот ден и целата ноќ, Кога почнува да боли грбот, пред да почнете со терапија, всушност, проверете дали имате здрави навики!
Одберете секогаш добро столче
Најважно е особено столчето на работа – морате да имате добра потпора за ’рбетот, а идеалното столче треба да има и потпирачи за рацете. Ќе ви биде полесно и ако столчето има потпирач кој се подесува, како и тркалца. Подесете се што можете така што при работењето да не морате многу да го виткате грбот кога ги правите најчестите движења.
Додека возите секогаш мислете и на својот грб
Не се навалувајте нанапред, туку потпрете се на седиштето. Ако е потребно завиткајте пешкир или мало ќебе во ролна, па ставете ја зад грбот за ’рбетот да биде потпрен. Сетете се дека одвреме-навреме треба да ја смените положбата и тежишниот потпирач. За време на подолгите возења, правете паузи и истегнувајте се. Ако чувствувате дека ви пречат вибрации за време на возењето, набавете перниче од пена која во голем дел ќе ја апсорбира и ублажи непријатноста.
Спијте во што е можно порамна положба
Важно е да одберете душек доволно цврст како подлога за ’рбетот, како и перница која ја држи главата на нивото на ’рбетот. Најдобро е ако можете да спиете на страна, со свиткани колена кои треба благо да ги привлечете кон градите.
