Британската варијанта на КОВИД-19 не е тешка како што се стравува

Истражувачите утврдиле дека нема разлика во ризикот од тешка форма на болеста, смрт или други клинички исходи кај пациентите инфицирани со сојот В.1.1.7 или останатите соеви.

Високо заразната варијанта на КОВИД-19, прв пат идентификувана во Велика Британија, не предизвикува потешка форма на болеста кај хоспитализираните пациенти, покажува новата студија објавена во медицинското списание The Lancet.

Сојот познат како В.1.1.7, откриен е во Британија кон крајот на минатата година и стана најчестиот сој во САД, според американските центри за контрола и превенција од болести.

Во студијата објавена во понеделникот, била анализрана група од 496 пациенти примени во британските болници во ноември и декември минатата година и се споредиле со исходи од пациенти заразени со сојот В.1.1.7 или други варијанти.

Истражувачите утврдиле дека нема разлика во ризикот од тешка форма на болеста, смрт или други клинички исходи кај пациентите инфицирани со сојот В.1.1.7 или останатите соеви.

“Нашите податоци, со сите постоечки ограничувања, оти се работи за real-world студија, нудат почетни уверувања дека тежината на болеста кај хоспитализираните пациенти заразени со сојот В.1.1.7 не е значајно различна од тежината на болеста кај оние кои не се заразени со оваа варијанта“, наведуваат научниците.

Во одвоена студија објавена во медицинското списание The Lancet се тврди дека вакцините веројатно ќе бидат ефикасни против британската варијанта си оглед на тоа дека нема општо зголемување на стапка на повторна зараза во споредба со останатите варијанти.

Според британските научници, британската варијанта е околу 40-70 проценти позаразна од претходните доминантни варијанти.

Во студијата, исто така се потврдуваат претходните наоди дека варијантата В.1.1.7 е позразна.