Колку жената има помал број на менструални циклуси во текот на животот, толку нејзиниот ризик од деменција е поголем, укажува нова студија спроведена меѓу 16.000 жени.
Имено жените кои прва менструација добиле на возраст од 16 години или подоцна, имале за 23% поголем ризик од развој на деменција, во споредба со жените кои првиот менструален циклус го добиле на порана возраст.
Овие резултати одат во прилог на теоријата дека ниската изложеност на естроген во текот на целиот живот, може да допринесе за развој на деменција. Инаку, лабораториските истражувања укажуваат дека естрогенот помага во отпорноста и поправање на оштетените мозочни клетки.
