Честото трнење на рацете предупредува на две опасни болести

Доколку рацете често ви трнат, тоа може да значи дека телото ве предупредува на две сериозни состојби по здравјето.

Рацете ги имаат најчувствителните рецептори за допир, кои преку нервите се поврзани со мозокот. Меѓутоа, доколку некои од тие нерви се оштетени или притиснати, мозокот не може да одговори на сигналите што рецепторите ги испраќаат и тогаш рацете почнуваат да трнат.

Стручњаците истакнуваат дека, ако премногу често ви се јавува трнење на рацете, имате потенцијален ризик за две опасни состојби – проблем со штитната жлезда и мозочен удар.

Хипотиреозата или недостатокот на хормонот на штитната жлезда може да доведе до оштетување на нервниот систем, а како сигнал за тоа, често да се јавува трнење на рацете. Ако покрај овој симптом, забележите и дека добивате на телесната тежина, ви опаќа косата или постојано ви е студено, што поскоро побарајте лекарска консултација.

Лекарите предупредуваат дека трнењето на рацете и чувството на пецкање во рацете може да биде и сигнал за мозочен удар. Останати симптоми се искривена уста, отежнат говор или неможност за јасно расудување, вртоглавица и замаглен вид, Доколку ги имате овие симптоми, веднаш обратете се на лекар.