Четири симптоми на рак на дојка, а ниту еден не е јазол

Потврд дел од кожата кој, се чини, дека е подебел отколку што треба да биде или брадавици од кои излегува исцедок може да бидат симптом на рак на дојка, вели онкологот д-р Џозеф Вебер.

И покрај напреднатите методи на лекување, ракот на дојка и натаму е најчеста поединечна причина за смртност кај жените во периодот од 35-тата до 59-тата година од животот. Овие податоци упатуваат на важност на превенцијата и раното откривање на ракот на дојка.

Освен јазлите (топчиња) кои може да бидат први видливи симптоми, обрнете внимание и на овие промени.

ПРОМЕНИ ВО ТЕКСТУРАТА НА ДОЈКАТА

Потврд дел од кожата кој, се чини, дека е подебел отколку што треба да биде или брадавици од кои излегува исцедок може да бидат симптом на рак на дојка, вели онкологот д-р Џозеф Вебер. Некогаш кај ракот на дојка се случува да каналите во внатрешноста на дојката се блокираат што доведува до промени на кожата, па градите може да изгледаат како кора од портокал.

БРАДАВИЦИТЕ ГО МЕНУВААТ ОБЛИКОТ

Ракот на дојка може да предизвика промени на брадавицата, така што тие се вовлекуваат навнатре или се испакнуваат. Тоа вообичаено се случува поради ткивото кое расте вантре во градата што предизвикува промени во изгледот на дојката и на брадавицата.

ИСЦЕДОК ОД БРАДАВИЦАТА

Уште една абнормалност која го следи ракот на дојка е појавата на исцедок од брадавицата кој не е млеко. Оваа појава често не е последица на рак на градите, но ако сте забележале дека исцедокот се појавува без да ја допрете градата, важно е веднаш да побарате лекарска помош.

ОТОЦИ И И ЦРВЕНИЛО

Некои од првите симптоми по кои може да се препознае ракот на дојка е црвенилото по кожата на градата, како и отоци.