Веројатно често не гледате што се случува на кожата под градите, додека не се појави некој проблем. Колку и да сакате нешто што не е на видно место да го тргнете од мислите, вреди да земете огледало и да проверите, особено ако имате поголеми гради.
Исип и габични инфекции
Зошто се јавува: Многу честа појава е исип под градите, особено кога времето е топло и влажно. Триењето и влажноста во овој дел на го оштетуваат слојот на кожата, па затоа се појавуваат габични инфекции. Потењето и габите кои се заробени под градите доведуваат до исип.
Како да се ослободите: Ставете пудра на зафатената кожа додека наутро се подготвувате и ако е потребно и преку ден, бидејќи ќе помогне да се впие влагата и ќе ја одржи кожата сува. Исто така треба да отидете на дерматолог, кој ќе ви препише посебна крема за сузбивање на иритацијата.
Иритација од топлина
Зошто се јавува: Виновно е топлото време поради кое дополнително се потите од вообичаено и кое предизвикало иритација која чеша. До ова доаѓа поради запушување во потните канали што доведува до црвенило и чешање.
Како да се ослободите: Најефикасен третман е да избегнувате топли места или во зимските месеци претоплување со облека. Исто така на кожата може да ставате пудра, за да се смири.
Израстоци како брадавици
Зошто се јавува: Ова е уште еден чест тип на иритација на кожата: себореична кератоза. Тоа се бенигни израстоци кои потсетуваат на брадавици и кои понекогаш знаат да чешаат.
Како да се ослободите: Овие израстоци не се опасни, така што некои засилени третмани не се задолжителни. Но, ако вам лично ви пречат оти имате чудно чувство, може да отидете на дерматолог, и со соодветни третмани, како течен азот, ласер или хируршка интеревенција, да ви помогне да се ослободите од оваа состојба.
Брадавици
Зошто се јавува: Кај жените често се појавуваат брадавици во овој дел на телото, заради триење меѓу градникот и кожата, или кожа од кожа.
Како да се ослободите: Брадавите може да се отстранат по хируршки пат, односно со едноставно отсекување.
