Чир на желудникот, болни зглобови… Здравствени проблеми кои напаѓаат во есен

Есента е проследена и со ниски температури, како и со поголеми температурни разлики помеѓу дневните и ноќните вредности, што ја прави “идеален“ период за борба со разни инфекции и воспаленија.

Есента е многу повеќе од уживање во слатката тиква и топлите напитоци – таа на нас влијае на многу повеќе начини. За жал, негативното влијание често се однесува на здравјето.

Еве кои здравствени проблеми се закануваат во есен

  • Проблеми на респираторниот систем

Природната отпорност на организмот при ниски температури е значајно намалена, а со тоа е зголемена склоноста кон акутни инфекции на горниот респираторен систем. За поголема зачестеност на заболувањата допринесува и подолгиот престој на поголем број луѓе во затворени, недоволно проветрени простории со сув и топол воздух, како што се детски градинки, училишта, работни места, кина, јавен превоз и слично.

За среќа, повеќето инфекции на горниот респираторен систем се благи и не бараат сериозно и долготрајно лекување.

  • Вирусни заболувања

Есенските месеци со малку сончеви часови, а со многу дожд и магла годат на развојот на настинка и вирози, па иако лекарите како најдобра форма на превенција препорачуваат вакцинација, еве неколку совети како да ги избегнете:

  • Излезете на свеж воздух за да ги избегнете бактериите кои се наоѓаат во затворениот простор.
  • Мијте ги рацете со антибактериски сапун
  • Редовно консумирајте овошје и зеленчук, и по потреба вештачки витамини, по препорака на лекар.

  • Чир на желудникот

Верувале или не, желудочните проблеми може да бидат поврзани со временските промени. Студија покажала дека тие најчесто се јавуваат токму во есен.

  • Болни зглобови

Иако не е докажано, многумина токму во есенскиот период се жалат на болки во зглобовите, а се претпоставува дека тоа се случува поради промена на атмосферскиот притисок, па така наглиот пад на темепратурите на воздухот може да предизвика болки во зглобовите.