Едно неодамнешно истражување покажало дека за време на цртањето и чкртањето додека правиме нешто друго, на пример, додека зборуваме на телефон, слушаме некое излагање и сл. се активира областа во мозокот задолжена за чувството на задоволство и го подобрува расположението.
Уметничкото создавање (макар тоа да се цртежи и чкртаници без некои особени уметнички вредности), исто така, помага и во намалувањето на нивото на стрес. Споменатите заклучоци дополнително го објаснуваат успехот на боенките за возрасни кои од 2015 година се мошне популарна занимација и оружје против стресот.
