ПИШУВА:
Д-р сци. Ирена Андонова,
специјалист гинеколог/перинатолог
♦♦♦♦♦♦♦
Каде најчесто се информираат жените за здравјето на репродуктивните органи? Дали се тоа лекарските ординации или прашaј го Google? Според едно истражување дури 73% од анкетираните жени одговориле дека решението на гинеколошките проблеми најпрво го бараат на интернет.
Но, она што ние како доктори го поставуваме како прашање е: Дали жените знаат да ги селектираат точните, проверени информаци објавени на медицинските интернет страници или можат да западнат во стапица предизвикана од многубројните информации? Дали знаат точно да ги идентификуваат и пребаруваат своите симптоми? Дали ја разбираат медицинската терминологија?
Од мое искуство, гинеколошките проблеми тешко можат да се решат без соодветен стручен преглед, апликација на современи дијагностички постапки како колпоскопија и ултразвук и соодветни скрининг постапки како ПАП-тест кои не се возможни на Google.
ПАП-тестот може да го спаси вашиот живот! Причината за редовното изведување на тестот е во постепената прогресија на промените. Болеста се развива бавно и периодот од моментот на зараза со ХПВ инфекција па до појава на рак на грлото на матката е долг
Се разбира за секоја жена и за нејзините најблиски, здравјето на репродуктивните органи е многу важно, и секоја жена треба да знае дека редовните гинеколошки контроли спасуваат живот, и токму за нив е посветен овој текст, односно како секоја жена да го заштити своето здравје кога станува збор за карциноми на гениталните органи.
Иако ги има повеќе видови, најчесто се среќаваат следните: карцином на грлото на матката, карцином на ендометриумот и карцином на јајниците. А единствено за карциномот на грлото на матката постои скрининг тест – ПАП-тестот, што значи дека овој тип на карцином може да се превенира и ниту една жена никогаш повеќе да не го изгуби својот живот од оваа болест.
Како? Едноставно. Свесноста на жената за редовен ПАП-тест како скрининг метода за овој карцином е основен услов за искоренување на оваа болест во светски рамки, што е и цел на Светската здравствена организација до 2035 година – искоренување на овој тип на генитален карцином.
ПАП-тестот е брз и едноставен тест со кој се гледаат промените на клетките од грлото на матката. Цел на неговата широка примена е да ги откриеме во најран стадиум промените на грлото на матката кои можат да доведат до карциноми и истите соодветно да ги третираме. Повеќето резултати од ПАП-тестовите се нормални. Во многу мал број на случаи, наодот оди во прилог на преканцерозни лезии или карцином на грло на матка. Поради ова е неоподно овој скрининг тест да го правите редовно, еднаш годишно или доколку неколку години наназад имате уреден тест тогаш еднаш на три години. Причината за редовното изведување на тестот е во постепената прогресија на промените. Болеста се развива бавно и периодот од моментот на зараза со ХПВ инфекција па до појава на рак на грлото на матката е долг. Кога промените на клетките на грлото на матката рано ќе се откријат, тие лесно се лекуваат! ПАП-тестот може да го спаси вашиот живот!
Во однос на ХПВ инфекцијата секоја жена треба да знае дека ХПВ вирусот е најчестата сексуално пренослива инфекција. 85% од сексуално активни мажи и жени ќе се заразат во одреден момент од нивниот живот. Бидејќи оваа инфекција со ХПВ најчесто е асимптоматска, може и да не сте свесни дека сте заразени. Понекогаш може да се појават брадавици на гениталиите, или да откриете дека имате ХПВ кога ќе добиете абнормален резултат на ПАП-тест, кој може да укажува на присутна инфекција или посериозни проблеми предизвикани од ХПВ, како што е појава на преканцерози и карцином на грлото на матката.
Она што е вообичаена практика во светот се редовните ултразвучни годишни контроли, кои ни овозможуваат доколку се присутни промени на јајниците или сомнителен наод на слузницата на матката да преземеме понатамошни иследувања и во рана фаза ги дијагностицираме овие карциноми, кои не секогаш се симптоматски во почетните стадиуми, посебно карциномот на јајниците
Денес постои тест со кој се утврдува дали жената има ХПВ и секако кој тип на ХПВ е присутен. Начинот на земање на материјал за овој тест е многу сличен со постапката на земање на микробиолошки брисеви или ПАП-тест кај жената. Важно е да знаете дека иако имате ХПВ вирус, па и дури и да е високоризичен, не е сигурно дека ќе развиете карцином на грлото на матката. Во 90% од случаите организмот ќе се избори со вирусот и нема да дозволи да се развие рак. Сепак, останува основната препорака, редовно контролирајте се и не дозволувајте првичните промени кои водат до карцином да останат незабележани, пропуштени.
Во однос на ХПВ инфекцијата секоја жена треба да знае дека ХПВ вирусот е најчестата сексуално пренослива инфекција. 85% од сексуално активни мажи и жени ќе се заразат во одреден момент од нивниот живот. Бидејќи оваа инфекција со ХПВ најчесто е асимптоматска, може и да не сте свесни дека сте заразени. Понекогаш може да се појават брадавици на гениталиите, или да откриете дека имате ХПВ кога ќе добиете абнормален резултат на ПАП-тест, кој може да укажува на присутна инфекција или посериозни проблеми предизвикани од ХПВ, како што е појава на преканцерози и карцином на грлото на матката
Прашањето кое си го поставува секоја жена која добила позитивен резултат од ХПВ типизација е кој е лекот за вирусот? Не, не постои специфичен третман, лек наменет директно против самиот вирус. Самото лекување се состои во различни препарати на имуностимулатори, односно да му помагаме на имуниот систем сам да се избори со вирусот.
Но, иако не постои соодветен лек за вирусот, постојат третмански опции за промените што ХПВ ги предизвикува. Преканцерозната состојба на грлото на матка може да се третира. Жените кои имаат редовни ПАП-тестови и прават редовни превентивни прегледи, можат да ги идентификуваат проблемите рано пред да се развие карциномот на грлото на матката и истите соодветно да се третираат.
Поголемиот дел од овој текст се однесува на карциномот на грлото на матката, бидејќи тој е единствен од гениталните карциноми кој можеме да го превенираме, што за жал не е случај со останатите како тој на слузницата на матката и на јајниците за кои не постојат скрининг методи. Бидејќи немаме скрининг метода основно е развојот на овие карциноми да ги фатиме во најран стадиум каде 5-годишното преживување е над 90%. Она што е вообичаена практика во светот се редовните ултразвучни годишни контроли, кои ни овозможуваат доколку се присутни промени на јајниците или сомнителен наод на слузницата на матката да преземеме понатамошни иследувања и во рана фаза ги дијагностицираме овие карциноми, кои не секогаш се симптоматски во почетните стадиуми, посебно карциномот на јајниците.
Поради сево ова чувајте го вашето здравје, правете превентиви прегледи, водете здрав живот! Здравствени информации можете да најдете на интернет, но бидете доста критични во однос на нив, разговарајте и секако, прегледот, дијагностичките постапки како и третманот доверете му го на вашиот гинеколог.
Во моментов во „Жан Митрев Клиник“ е актуелен пакетот во кој со секој направен ПАП-тест добивате -50% попуст на гинеколошкиот преглед односно заедно чинат 3500 ден. Исто така на акција -50% се прегледите за ехо на дојка, 2д и 3Д мамографија. За закажување термин јавете се на: 02/3091-484 или закажете онлајн на следниот линк ТУКА.
