Ефектот на прочистениот ботулински токсин е откриен 1970, а FDA одобрување за естетски цели има од 1997 година. Тоа е еден од најприфатените неинвазивни третмани во естетската дерматологија и го користат над 3 милиони луѓе ширум светот.
Целта на примената на ботокс е привремена парализа на мускулите. Кај помладите личности употребата на ботокс ја спречува појавата на брчки, а ако брчките веќе се појавиле со парализирање на мускулите линиите, омекнуваат и се добива ефект на измазнување на кожата. Во естетски цели ботоксот покажува одлични ефекти, измазнувајќи ги брчките на челото, глабелата и околу очите. Во медицински цели покажува одлични ефект за спречување на прекумерното потење под пазувите, на дланките и табаните, и овој ефект трае многу долго, односно повеќе од една година. Наоѓа примена и во третман на мигренозни болки, во неврологијата при спастични состојби на одредени групи мускули, како и во офталмологијата при блефароспазам и страбизам.
Некои заблуди поврзани со ботоксот
- Ботоксот е отров кој може да биде штетен за употреба во естетски цели
Ботоксот кој го произведува бактеријата Clostridium botulinum е отров, но ботоксот во медицински цели е лекарски пропишан производ. Исто така, е еден од најшироко истражуваните лекови во светот и милиони пациенти ширум светот го користат во естетски и медицински цели погоре споменати.
- Ботоксот предизвикува замрзнато лице без лицева експресија
Меѓу мускулите на лицето постои хармонична рамнотежа Ако се вбризгува ботокс во преголеми количини може да предизвика и ваков ефект. Сепак, доколку лекар специјалист соодветно обучен и сертифициран за администрирање ботокс ја изведува таа процедура, ќе внимава да инјектира мали до оптимални дози во точно одредени мускулни групи и ефектот ќе биде природно ублажување на несаканите линии и брчки без да биде загрозен изразот на лицето.
- Запирање на администрирање на ботокс предизвикува различен или полош изглед од порано
Ефектот настанува за 7-10 дена, а трае во просек околу 4-6 месеци на лицето и година по предел под пазувите.
- Ботоксот може да предизвика ботулизам
Ботоксот е прочистен протеин. Штетниот ефект е изгубен во процесот на прочистување, а она што останува е протеинот кој го има корисното дејство на олабавување на мускулите во кои е аплициран.
За изведување на ботокс процедурата се потребни неколку минути. Ботоксот се аплицира во точно одредени точки во доза која е индивидуално одредена. Ботоксот не е болна процедура и при негова апликација не е потребна локална анестезија, а пациентот веднаш може да се врати на секојдневните обврски. Ефектот настанува за 7-10 дена, а трае во просек околу 4-6 месеци на лицето и година по предел под пазувите.
Најнепопуларен несакан ефект е птоза на горен очен капак кој поминува после месец до два од апликацијата, а настанува најчесто од нестручно аплицирање или неследење на инструкциите од страна на пациентот за однесување после третманот. Други ретки несакани појави се главоболка, зуење во ушите, како и оток и модринка на местото на апликација кои поминуваат за неколку дена. Затоа ботоксот треба да се аплицира исклучиво од страна на искусни специјалисти, најпрепорачливо дерматолози, и тоа во медицинска установа како би се избегнале можните несакани ефекти.
