Постојат неколку клучни симптоми на рак на панкреас што не би смеело да се игнорираат, предупредува британското Здружение за рак на панкреас. Стручњаците предупредуваат дека е важно што побрзо да се побара помош со оглед на тоа дека овој тип на рак најчесто се открива кога веќе е предоцна.
КЛУЧНИТЕ СИМПТОМИ НА КОИ ТРЕБА ДА ОБРНЕТЕ ВНИМАНИЕ СЕ:
- Болка во грбот
- Дигестивни проблеми (губење на апетит, дигестивни тегоби и мачнина се често кај лицата со рак на панкреас. Овие симптоми често се јавуваат која болеста влијае на способноста на лицето да ја дигестира храната и ги апсорбира хранливите материи. Тие може да се појават и кога туморот ги блокира или ги забавува редовните дигестивни процеси. Многу пациенти со рак на панкреас имаат пролив, запек или двете).
- Болка во стомачната шуплина (болка во стомакот или во средината на грбот може да биде предизвикана од тумор. Во зависност од неговата положба и големина, туморот може да притиска нерв, ограни во близина на панкреасот и да го блокира дигестивниот тракт).
- Губење на телесна тежина (губењето на телесна тежина може да биде предизивкано од нецелосна дигестија поради ракот или од самиот рак – туморна кахексија, која значајно влијае на процесор на лекување и стапката на преживување. Губењето на тежина предизвикано од рак е проблем што влијае на начинот како телото ги користи калориите и протеините. Може да предизвика да телото согорува повеќе калории од вообичаено, да ги разгради мускулите и да го намали апетитот).
