Болките во мускулите (мијаглија) се мошне чести. Речиси секој од нас го доживеал ова непријатно искуство на болка во мускулите во одреден момент. Мускулното ткиво се наоѓа во скоро сите делови од телото, па овој тип болка практично може да се почувствува каде било.
Кои се најчестите причини за болка во мускулите
Често причината за болката во мускулите може лесно да се одреди. Тоа е затоа што повеќето случаи настануваат заради премногу стрес, напнатост или засилена физичка активност. Некои од најчестите причини се:
- Засилена психичка напнатост – стрес;
- Преоптоварување на мускулите за време на физичка активност;
- Повреда на мускулите за време на физичка активност.
Кои видови медицински состојби можат да предизвикаат болка во мускулите?
Не се сите болки резултат на стрес, наптаност и физичка активност. Некои медицински состојби кои предизвикуваат болка вклучуваат:
- Фибромијалгија;
- Инфекции како грип или бактерсики инфекции;
- Автоимуни болести како што се лупус, дерматомиозитис и полимиозитис;
- Користење одредени групи лекови ккао што се статини или АЦЕ инхибитори;
- Проблеми со штитната жлезда, како хипотиреоза или хипертиреоза;
- Хипокалемија (ниско ниво на калиум во крвта).
Намалување на болката со домашни третмани
Болките во мускулите често добро реагираат на домашните третмани. Некои мерки кои може да се преземат вклучуваат.
- Одморање и опуштање на телото во областа каде што се јавуваат болките;
- Примена на природни препарати против болка;
- Третирање на болниот дел со мраз, за да се ублажи болката и да се намали воспалението.
Други мерки кои можат да пружат олеснување:
- Благо истегнување на мускулите;
- Одбегнување активности со високо оптоварување на мускулниот систем, се додека болките не исчезнат;
- Одбегнување да се креваат тешки предмети додека болката не исчезне;
- Засилено време за одмор;
- Благи активности за ублажување на стресот на мускулите, како јога или пилатес.
Кога да се побара лекарска помош
Болките не се секогаш безопасни, а во некои случаи самиот одмор не е доволен за да се санира причината за болка. Мијалгијата, исто така, може да биде знак дека нешто не е во ред во вашето тело.
Појдете на лекар во случај:
- Болката да не престане и по неколку дена одмор;
- Силна мускулна болка без причина;
- Болката во мускулите се јавува заедно со осип на кожата;
- Болката во мускулите која се јавува по угриз на крлеж;
- Мијалгија проследена со црвенило и оток;
- Болка по промена на терапија;
- Болка кај зголемена температура.
СОВЕТИ ЗА СПРЕЧУВАЊЕ БОЛКА ВО МУСКУЛИТЕ:
Ако е резултат на физичка активност или напнатост, преземете ги овие мерки за да го намалите ризикот од прогресија на болката:
-
Создадете навика да ги истегнувате мускулите пред и после физичка активност, односно тренинг;
- Вклучете загревање и ладење на мускулите во вашите вежби;
-
Бидете хидрирани во доволна мера, особено кога сте физички активни;
- Редовно вежбајте и бидете активни за да го подобрите тонусот на мускулите;
-
Редовно истегнувајте ги мускулите на рацете, нозете и грбот, особено ако долго време поминувате во седење, Луѓето чија работа е седечка трева да стануваат и да се истегнуваат на секои 60 минути.
