Дали повраќањето и мачнината се симптоми на новиот коронавирус? Еве што велат лекарите

Гастроентеролошките проблеми може да бидат сигнал кои откриваат инфекција, па дури само се работи за мачнина и повраќање.

Вообичаените симптоми на КОВИД-19 болеста се отприлика она кое би го очекувале ако имате респираторни проблеми: температура, кашлица, замор и болка во мускулите. Но, според пишувањата на Центарот за превенција и контрола на болести, многу болни искусиле и гастроентеролошки проблеми како мачнина, повраќање и пролив, некогаш дури и пред појавата на респираторни симптоми.

“КОВИД-19 може да се јави и да трае во разни форми. Сум имал пациенти кои повраќаа и имаа пролив, а немаа температура“, појаснува д-р Јорге Воурнас.

Дека повраќањето е симптом на инфекција, се поврзувало и пред неколку месеци кога пациентите заедно со сите познати симптоми наведувале дека во доцната фаза од болеста им се јавило и константно повраќање до несоница и целосно губење на апетитот.

Дел од болните информирале и дека денови пред да се развие кашлица, болка во мускулите и во градите, повраќале со денови и им се јавиле и дигестивни проблеми.

Научниците исто така поврзале дека споменатите симптоми може да се појават како последица од инфекцијата со коронавирусот, заедно со респираторните симптоми. Една од првите студии спроведена во Кина на 652 пациенти покажала дека десет проценти од нив имале симптоми како пролив, мачнина и повраќање.

Во друга студија се наведува дека 15 проценти од таквите симптоми се јавуваат кај возрасните, но и дека се почести кај децата кои се заразени и тоа во проценти 6 од 66.

КОВИД-19 може да се јави и да трае во разни форми.

Во некои случаи, гастроентеролошките проблеми биле и единствените симптоми на КОВИД-19. Според пишувањата во списанието The American Journal of Gastroenterology кај 50 проценти од хоспитализираните пациенти во една провинција во Кина, во април, 28% од нив имале дигестивни тегоби, а шест проценти нема никакви респираторни симптоми.

Додека стручњаците не се комплетни сигурни зошто овој вирус предизвикува повраќање, наведуваат дека е можно да се работи за молекули кои вирусот ги напаѓа (ACE2), а не се наоѓаат само во белите дробови туку и во дигестивниот тракт.

Сите споменати истражувања и докази укажуваат дека повраќањето и мачнината не смеат да се игнорираат додека трае пандемијата.

“Би било паметно да се земат предвид дека и овие се симптоми на инфекција со новиот коронавирус, иако немате други симптоми“, наведува д-р Воурнас и вели дека и во тој случај важно е да направите тестирање.

Ако сте ги забележале овие симптоми и сте направиле тест, паметно е во меѓувреме да останете дома и да ги следите симптомите. Исто така, додава докторот, внимавајте на внесот на течности, храна и на доволната колична на сон.