ДАЛИ СМЕ ЗАШТИТЕНИ И БЕЗБЕДНИ: Што значи појавата на омикрон сојот за оние вакцинирани со две дози

Во моментов најмногу се зборува за тоа колку вакцината против КОВИД-19 може да им помогне на лицата кои ќе се заразат со новата омикрон варијанта на коронавирусот.

Појавата на нова варијанта на коронавирусот веднаш ја доведе во прашање ефикасноста на заштитата од постоечките вакцини. Но, што таа значи за оние кои се два пати вакцинирани, односно ревакцинирани?

Сите достапни вакцини делуваат така што го учат имуниот систем како да се бори против spike (шилест) протеинот во вирусот, а варијантата Б.1.1.529 (Омикрон) има над 30 мутации само на овој протеин. Ако на тие мутации се гледа како на нова можност за зголемување на заразноста и преносливоста, што на вирусот му носи поголема способност за заобиколување на имунитетот, тогаш се работи за многу сложена варијанта со мутации кои претходно не се забележани, па тешко е дефинитивно да се предвидат импликациите на текот на пандемијата и имунитетот. И покрај тоа, стручњаците сметаат дека вакцините и понатаму ќе обезбедуваат високо ниво на заштита од тешка клиничка слика која доведува до хоспитализација и смртен исход.

Сепак со сите тие промени и понатаму ќе постои ситуација во која антителата и Т- клетките, кои настануваат поради претходна инфекција или вакцинација, ќе можат да одговорат на вирусот.

Лондонскиот професор по имунологија Дени Алтман вели дека информациите кои доаѓаат од Африка откриваат дека работите не изгледаат толку сериозно, а луѓето кои завршуваат на болничко лекување најчесто се невакцинирани. Тој додава дека тука се и Т-клетките кои го препознаваат и напаѓаат вирусот и ги учат Б-клетките за ризикот со кој се соочуваат.

Сите мислиме дека Т-клетките некако можат да ја препознаат разликата помеѓу варијантите и дека се многу поотпорни за да можат, па можат да обезбедат заштита, додава Алтман. Но прашање е колкава заштита обезбедуваат.

КОЛКУ ЗАШТИТА ИМАМЕ?

Засега знаеме дека лицата кои се двапати вакцинирани (ревакцинирани) може да се заразат со делта сојот, но шансите се три пати помали отколку кај невакцинираните. Поважно е да се додаде дека лицата кои се вакцинирани имаат приближно и до 9 пати помала шанса да умрат дури и ако се заразат. Но, се чини полесно е да се заразиме со оваа нова варијанта, а проф. Пол Морган, имунолог, додава дека не мисли дека во тој случај не се работи за комплетно губење на имунитетот, туку за слабеење на истиот. Со оглед на ова, дополнителното вакцинирање со трета доза е секако добра идеја, додава Морган.

ШТО Е СО ОНИЕ КОИ СЕ РЕВАКЦИНИРАНИ?

За лицата кои се вакцинирани и се заразиле со делта сојот, сликата е подобра. „Ако сте примиле две дози од вакцина и сте се заразиле со делта варијантата, па сте се опоравиле, тогаш знаете дека имате многу широк и многу добар имунитет кој ќе ја покриебило која варијанта“, истакнува Дејвид Метјус, професор на Универзитетот Бристол. Во овој случај, лицето било изложено на вирусот (преку делта сојот) и протеинот на првиот, оригинален, сој.

“Тоа значи дека имате одговор на антитела што ги покрива и стариот и новиот сој и има многу широк одговор на Т-клетките, не само против spike протеинот, туку и против сите протеини што го сочинуваат SARS-CoV-2.

Најголем проблем се невакцинираните.

“Ако се во право и ако овој вид се шири многу побрзо од делта сојот, а се чини дека е така, ќе се случи да се прошири така што ќе ги најде невакцинираните и ќе ги смести во болница, а тоа повторно ќе фрли на колена се – ќе дојде до затворање на се ако болниците повторно бидат преполни“, додава Метјус.

ИМА ПРИЧИНА ЗА ОПТИМИЗАМ

Првата би била таа што не знаеме како оваа варијанта ќе се однесува во средина каде што има многу вакцинирани, а можно е и оние кои примиле две дози, а евентуално и трета, да бидат заштитени“, додава д-р Питер Инглиш.

“Исто така, можно е да имаме помала заштита од постоечките вакцини кога станува збор за новата варијанта. Во моментов немаме доволно информации за да можеме да го тврдиме тоа“, додава тој.