Дали сте хипохондрик или само се грижите за здравјето? Проверете ги овие 11 симптоми и се ќе ви биде јасно

Дали некогаш сте помислиле дека премногу се грижите за здравјето?

Со оглед дека се ни е достапно, лесно е да се пребарува на Интернет очекувајќи дека тој ќе открие дали сме здрави или не, па слободно може да се каже дека живееме во ера на само-дијагнози. Колку време треба да поминуваме размислувајќи за своето здравје и кога таквото однесување се претвора во хипохондрија?

ШТО Е ХИПОХОНДРИЈА?

Хипохондријата е соматоформено пореметување кај кое поединецот целосно е окупиран од страв од тешки и сериозни болести. На секој и најмал симптом, најчесто претерано реагира и го доживува како докза за своето уверување. Ова пореметување подразбира дека лицето нема скана контрола над своите чувства. Хипохондрикот во таа смисла обрнува внимание на болка или симптоми кои некој друг и не би ги забележал и навистина ја чувствува таа болка, не глуми.

Симптомите од кои се заплашува хипохондрикот може да бидат реални и имагинарни. Понекогаш, лицето симптомите како обично потење може да ги препише на некоја тешка болест.

За овие лица е карактеристично да продолжат да стравуваат од сериозни болести дури и откако лекарот потврдил дека не му е ништо. Лицето почнува да се сомнева дека не е поставена добра дијагноза и тргнува само да студира и анализира, консултирајќи се на Интернет, списанија, пријатели и, се разбира, лекари. Многу е вообичаено да прашува други луѓе дали некогаш имале такви симптоми и дали им била поставена дијагноза.

СИМПТОМИ НА ХИПОХОНДРИЈА:

  1. Прекумерен страв или загриженост дека одредена болест е присутна
  2. Загриженост дека малите симптоми укажуваат на сериозна болест
  3. Чести посети на лекар за консултации во врска со одредени симптоми
  4. Неприродни социјални односи
  5. Опсесивно читање на здравствени теми
  6. Емоционална вознемиреност
  7. Честа вознемиреност и проверка на физички симптоми како што се болка и грутки
  8. Честа проверка на виталните знаци, како што се срцевиот пулс или крвниот притисок
  9. Верување дека имате болест откако ќе ја прочитате или слушнете за тоа
  10. Избегнување на „ризични“ ситуации, како што е престој во болница
  11. Неверување во медицинските наоди

За да се постави дијагноза, лицето мора да има страв од болести, најмалку шест месеци.