„Болест на стјуардесите“ е колоквијален термин за периорален дерматитис. Симптомите кои укажуваат на него се црвенило и мозолчиња од усните до брадата. Во ретките случаи црвенилото и мозолчињата можат да се појават на носот или по очите. Периоралниот дерматитис се манифестира низ напнатост или чувство на жештина на лицето.
Причина
Периоралниот дерматитис е вид на реакција на кожата на претерана нега, поточно на интензивно чистење и нанесување креми. Може да се јави и кога често ја менувате козметиката. Погрешната употреба на кремите на база на кортизон и силниот стрес, исто така, се причина за периоралниот дерматитис.
Голем број погодени со овие симптоми се токму жените.
Зошто денес се нарекува и „болест на стјуардесите“? Стјуардесите во бесцаринските зони најмногу се среќаваат со различни козметички производи.
Решение
Обидете се со нулта терапија – заборавете на сите производи за нега! Во првите неколку дена ќе ви се чини дека ситуацијата е уште полоша затоа што може да дојде до влошување, особено ако сте ставале креми на база на кортизон.
Дерматологот може да ви помогне. Најчесто се препишуваат креми кои содржат антибиотици, а во потешките случаи се препишуваат и антибиотици.
Дерматолозите нагласуваат дека се потребни до три недели симптомите на периорален дерматитис да се повлечат и после тоа нема да останат никакви белези.
Превенција
Обидете се да се воздржите од претерано чистење на кожата и нанесување креми. Ако сте нашле производи кои ви одговараат останете им верни.
