Дали сте уморни и деконцентрирани? Еве го решението

Прочитајте некоја кратка статија за тема којашто ве интересира. Ако имате волја, зададете си задача секој ден да научите по еден нов збор. Ова ќе го активира мозокот рано наутро и кога ќе стигнете на работа, полесно ќе започнете со дневните обврски

Утринската рутина е многу важна за работата на мозокот – важно е да му обезбедите доволно вежби за да биде здрав и ефективен. Не треба да решавате Судоку во шест часот наутро, доволно е да направите една од овие три едноставни работи.

Лесни вежби

Кога спиеме целото тело и сите телесни системи значително се забавуваат, а некои дури и стојат. Ова, исто така, важи и за крвотокот. Ако наутро не ја поттикнете циркулацијата со некои лесни вежби, ќе се чувствувате уморно и тромаво во текот на целиот ден.

После само неколку минути истегнување и неколку лесни вежби вашето тело ќе се чувствува многу подобро. Исто така, ова е најбрз начин за придвижување на циркулацијата за да може вашиот мозок што порано да добие доволно кислород за целодневна работа.

Прочитајте нешто

Ова е едноставен и забавен начин да бидете информирани за тоа што се случува во вашата околина и во светот, истовремено освежувајќи го мозокот со нови информации кои ги поврзувате со старите.

Прочитајте некоја кратка статија за тема којашто ве интересира. Ако имате волја, зададете си задача секој ден да научите по еден нов збор. Ова ќе го активира мозокот рано наутро и кога ќе стигнете на работа, полесно ќе започнете со дневните обврски.

Слушајте ја омилената музика

Додадете во утринската рутина слушање музика на вашиот омилен бенд или жанр на музика. Додека подготвувате кафе или се шминкате, пуштете музика, но нека не биде прегласна. Слушањето на вашите омилени тонови ќе ве опушти, ќе ви даде дополнителна енергија и ќе го активира мозокот без никаков напор.

Само неколку дена следење на овие едноставни, но многу ефикасни совети, вашиот мозок ќе се активира наутро многу полесно, ќе се чувствувате посвежи и полни со елан, а и полесно ќе ги извршувате дневните обврски, пишува порталот „Conscious Reminder“.