Телото не може секогаш лесно да ги поднесе високите температури и високиот процент на влажност на воздухот. Кај зголемените физички напори за време на високите температури можат да се јават симптоми како што се грчеви, исцрпеност, сончаница и топлотен удар.
Затоа по топло време не се препорачуваат понапорни физички активности, освен ако не ги практикувате во периодот од денот кога температурата е најниска, на пример, наутро до 8 часот. Како резултат на топлината можат да се јават грчеви во рацете и нозете, а некогаш и во абдоменот, особено доколку многу се потите. Во такви случаи најважно од се е да одморате и да внесувате течности во вид на вода и овошни сокови.
