Давајте им на децата кикиритки за да немаат алергија

Со истражување во кое учествувале 640 испитаници на детска возраст се покажало дека на овој начин шансите за појава на алергија на кикиритки се намалуваат за 81 насто

Група американски научници утврдиле дека децата, кои се на возраст до 5 години и кои редовно јадат кикиритки имаат помали шанси во текот на детството да развијат алергија на нив. Имено, во истражувањето во кое учествувале 640 испитаници на детска возраст се покажало дека на овој начин шансите за појава на алергија на кикиритки се намалуваат за 81 насто, и тоа кај децата кај кои постојат фактори на ризик за оваа алергија.

Зголемениот ризик за појава на алергија на кикиритки имаат децата во чии семејства таа е присутна или чии најблиски членови на семејството имаат атопија. Истражувањата покажале и дека ризикот од алергија е зголемен кај децата чии мајки за време на бременоста јаделе кикиритки.

Авторите на студијата навеле дека алергија се појавила кај 4,8 отсто од децата кои рано почнале да јадат кикиритки, што е значително мал процент во однос на 18, 6 проценти колкава е стапката од појава на алергии кај децата кои во раното детство ги одбегнувале кикиритките поради страв, односно од претпазливост.