Помала е веројатноста дека подвидот на делта сојот на коронавирусот, кој се повеќе се шири во Велика Британија, ќе предизвика симптоми на болеста КОВИД-19 кај заразените лица, покажало истражување на Империал Колеџот во Лондон, чии резултати се објавени денес.
Се покажало дека само една третина од заразените со делта плус сојот познат како “AY.4.2“,развиле класични симптоми на КОВИД-19, додека кај оригиналниот делта сој (AY.4), речиси половина од испитаниците имале симптоми.
Кај лицата заразени со делта плус варијаната, две третини развиле било какви симптоми на КОВИД-19, додека кај оние кои се заразиле со делта варијантата, три четвртини имале барен еден симптом на болеста.
Се покажало дека подвидот на делта сојот малку полесно се пренесува, но не се покажало дека предизвикува потешки форми на болеста или дека вакцините се помалку ефикасни против него.
“Се утврди дека делта плус варијантата малку полесно се пренесува, но и дека е помалку симптоматска, што е добро“, изјави епидемиологот Пол Елиот.
Империал Колеџот веќе објавени делумни резултати од истражувањето кои покажаа дека пикот на ширење на оваа верзија на вирусот била во октомври, а дека најмногу заразени имало меѓу децата. Комплетните резултати од истражувањето спроведено во периодот од 19 октомври до 5 ноември го потврдија тоа што го покажувале дневните резултати – пад на дневниот број на заразени бил поврзан со училишните празници кон крајот на октомври.
Истражувањето покажало и дека т.н „бустер“ доза на вакцината го намалува ризикот од инфекции кај возрасните за две третини во споредба со луѓето кои примиле две дози.
