Депресивните луѓе најчесто ги користат овие зборови – препознајте ги додека не е предоцна

Научниците ги изненадила употребата на заменката ЈАС со која депресивните луѓе се служат многу повеќе отколку со оние во второ или трето лице

Научниците веќе долго се обидуваат да пронајдат врска меѓу депресијата и јазикот, а сега постојат многу начини кои им го олеснуваат тоа. Истражувањето објавено во Clinical Psychological Science, покажало дека постојат одредени зборови кои можат да укажат на тоа дали личноста пати од депресија.

Досега од голема помош биле есеите и дневниците на депресивните луѓе, па дури и оние на пејачот Курт Кобејн. За изговорено, пак, се користеле снимки од природниот говор на личностите. Кога проучиле се, научниците заклучиле дека навистина постои видлива разлика меѓу оние кои имаат депресија и оние кои немаат.

Јазикот може да се подели во две категории: содржина и стил. Содржината е она што сакаме да го изразиме, значи некоја тема. Не е изненадувачки тоа што депресивните личности користат многу негативни придавки „осамен“, „тажен“…

Насочени на себе

Следно од што биле изненадени научниците била употребата на заменката ЈАС која депресивните луѓе ја користат многу повеќе од оние во второ или трето лице. Депресивните личности повеќе се насочени на себе. Всушност, овие зборови на стручњаците повеќе укажуваат на депресија отколку негативните придавки.

Научниците со анализа на содржината на онлајн форумите со тема депресија и анксиозност утврдиле дека таму често се користат таканаречени „апсолутни зборови“, односно оние со најекстремно значење како „секогаш“, „никогаш“ и „во целост“. Ваквиот начин на изразување се појавува во 50 отсто од случаите на таквите форуми, а дури во 80 отсто од случаите на оние кои го идеализираат самоубиството.