Научниците напоменуваат дека претераното користење на социјалните мрежи може да се поврзе со развојот на некои ментални пореметувања, како што се депресија или дебелина кај децата.
Според податоците од Државниот завод за здравство на Велија Британија во последните шест години бројот на хоспитализирани деца со пореметувања на сонот значајно е зголемен. Меѓу младите лица од 16 години, тој број во последните пет години пораснал од 6.520 евидентирани, на 9.429 деца.
Некои стручњаци сметаат дека не би требало да се демонизираат друштвените мрежи, туку да се подучат родителите како на децата да им поставаат граници кога е во прашање користењето на тие платформи.
„Сите знаеме дека синото светло од екраните на паметните телефони може да го пореметат сонот, но мислам дека, по бројните предупредуања, во овој случај за ненаспаното дете е одговорен родителот“, истакнува стручњакот за дигитални детоксикации Танја Гудин.
И нејзината колешка Вики Даусон ја истакнува важноста на правилата што ги наметнуваат родителите, кога е во прашање легнувањето во кревет и некористење на мобилен телефон и компјутер непосредно пред спиење.
„Навиката за легнување во исто време и со одредени ритуали се предуслов за квалитетен сон. За лош квалитет на сонот, покрај телефоните, може да влијае и лошата исхрана, на пример консумирање на благо или енергетски пијалоци непосредно пред легнување„, потсетува Даусон.
Две епидемии меѓу децата
„Меѓу децата денес владеат две епидемии кога здравјето е во прашање – дебелина и ментални пореметувања, а тие доведуваат до пореметување на сонот„ нагласува д-р Мајкл Фаркхар, стручњак за медицина по спиење и сон, во детската болница Евелина во Лондон.
„Одсекогаш сме верувале дека ненаспаноста е последица на дебелината, но во последно време има се повеќе докази дека неспиењето допринесува за таложење на килограмите. Кога детето е ненаспано, организмот реагира со хормонален дисбаланс кој може да влијае на апетитот и на чувството за глад. Значи, кога децата се ненаспани и многу уморни, посакуваат нездрава храна, вели Фаркхар.
„Децата од најмала возраст треба да стекнат рутина во повеќе работи. Постапното намалување на активностите при крајот на денот, при што треба да се намали и употребата на паметните телефони, особено непосредно пред спиење“, смета Фаркхар.
Важно е на детето да му поставите одредени ограничувања и да го следите на кој начин ги користи интернетските содржини. Ограничувањата и правилата се многу важни за поставување на јасни граници, за учењето на самоконтрола кај децата, но не смеат да бидат единствен начин на воспитување. Значајно е да се поттикнат здрави навики и да му се пружат позитивни моедли на семеенивот на детето, наглсуваат лекарите. Помала е веројатноста, велат тие, кај детето да се развие еден вид на зависност од друштевните медиуми ако е навикнато со семејството да оди на излет, заедно да играат друштвени игри и општо да се дружи во кругот на семејството.
