Ипокрај апелите на УНИЦЕФ, цели тимови на психолози и педагози, кои постојано потсетуваат дека децата не треба да се тепаат, глетката на родители кои им викаат среде улица е честа. Се уште е голем бројот на деца кои се казнувани физички или психички од страна на родителите.
Ако сте родител кој не верува во моќта на вербалноста, туку сте уверени дека плескањето по газот или шлаканицата ќе направат ангел од вашето дете, ќе мора да ве разочараме
Имено, фактите не зборуваат во корист на вашата теорија. Тие дури и укажуваат на тоа дека децата со помош на ќотекот ќе станат уште полоши и на тој начин ќе успеат да ги задушат своите природни потенцијали.
- Децата кои биле тепани, веројатно, ќе имаат сексуални проблеми кога ќе пораснат, покажало едно истражување.
- Со удирањето ги учите и самите да станат силеџии. Постојат докази дека децата кои трпеле физички казни кога ќе пораснат се поагресивни во однос на оние деца кои не добивале такви казни. Обликот на своето однесување децата го формираат со набљудување и имитирање на нивните родители.
- Можеби плескањето по газот понекогаш дава резултати, но на краток рок. Наместо да ја научат разликата меѓу она што е добро, а што лошо, децата кои се тепани учат само за што ќе бидат казнети, а за што нема да бидат казнети.
- Физичките дисциплински мерки го гушат развојот на сочувство, каење и грижа на совест кај децата, бидејќи тие се концентрираат само на сопствената болка и страв, наместо да размислуваат за тоа како влијаат на својата животна средина.
