Децата кои во раното детство имаат прекумерна телесна тежина имаат понизок коефициент на интелигенција, покажала новата студија. Имено, тестирањето покажало дека децата со прекумерна телесна тежина имаат полоши резултати во областите на размислување и работна меморија.
Важно е да се напомене дека иако студијата утврдила корелација помеѓу телесната тежина и интелигенцијата на детето, истражувањето не било наменето да ја докаже причинско-последичната врска.
Децата во Македонија се меѓу најдебелите во Европа, додека во САД стапката на дебелина кај децата од 1970 година се зголемила тројно. Се проценува дека секое петто американско дете е со прекумерна тежина.
Резултатите од оваа студија се уште една дополнителна причина за родителите дополнително да се ангажираат во превенција на дебелината кај децата, пишува „Obesity“.
