До 2040. година луѓето најмногу ќе умираат од болести на кардиоваскуларниот систем, како и белодробни и болести на бубрезите, а животниот век ќе биде продолжен за 4,4 години, покажува нова научна студија.
Со набљудување на 250 најчести причини за смртност во 195 земји, научниците заклучиле дека досега во повеќето случаи тоа биле болестите на кардиоваскуларниот систем, инфекции на дишните патишта, белодробни болести, и дека тој тренд ќе продолжи. Во истражувањето е наведено дека главните фактори кои ја одредуваат должината на животот се поврзани со стандардот, односно богатството или сиромаштијата на земјата.
Научниците предвидуваат продолжување на животниот век за 4,4 години за двата пола. Глобално гледајќи, очекуваниот животен век за мажите до 2040 година ќе биде 74,3 години, а за жените 79,7 години. До 2040 во 59 земји луѓето во просек ќе доживеат 80 години, додека во Кина тоа би требало да биде 81,9 години. Но, во Индија и Пакистан луѓето до 2040 година ќе живеат пократко од 75 години.
Во истражувањето е претставен и список на најверојатните причини за смртност во периодот од 2019. до 2040. година. Освен кардиоваскуларниот систем и белодробните и бубрежни болести, тоа се и Алцхајмеровата болест, дијабетесот, повреди на патувања, рак на белите дробови, болести поврзани со дијареа, ХИВ/СИДА, рак на црниот дроб, рак на дебелото црево и туберкулоза.
