Поради глобалните правила за физичко дистанцирање воведби поради новиот коронавирус, стапката на заболени од грип се рекордно ниски, покажуваат првичните податоци, сигнализирајќи дека мерките имаат невидено влијание на останатите заразни болести. Во Кина, каде најрано се започнаа мерките на карантин, новите извештаи за заразите вклучувајќи заушки, сипаници и полово преносливи болести, говорат за значаен пад, при што бројот на заразени лица со грип бележи најостар пад.
Бројот на зарази кои од почетокот на карантинот на месечна основа ги пријавува министерството за здравство паднал за 90 проценти, со просечно околу 290.000 случаи месечно на 23.000. канадскиот систем за надзор на грипот исто така пријавил “исклучително ниско ниво на заболени од грип, како и други држави кои на неделно ниво пријавуваат податоци, вклучувајќи ја Велика Британија и Австралија.
Во својот последен неделен извештај, јужнокорејскиот портал за заразни болести пријавил намалување од 83% во однос на минатата година.
“Имаме најниска стапка од било кога на виралните зарази за овој период од годината. Обично имаме оддели полни со деца со потешкотии во дишењето во ова време од годината, во текот на зимата, но оваа година одделите главно се празни“, вели Бен Мараис, експерт за заразни болести во Сиднеј.
Светската здравствена организација (СЗО) проценува дека глобално има три до пет милиони тешко заболени и до 500.000 починати од сезонски грип.
