ДОБРО Е ДА ГИ ЗНАЕТЕ: Ова се три нови и важни предупредувања за КОВИД-19

Загрижен дека ќе следи уште поголем број на смртни случаи, д-р Ентони Фаучи, директор на Центарот за инфективни болести на САД, пред два дена изјави дека има за сите нас, три важни информации кои е добро да се прочитаат.

Во САД се бележат 700.000 починати од болеста КОВИД-19, а за жал тоа не е крај, бидејќи и натаму сите сме во опасност од делта сојот кој многу полесно се шири, а во поголема мера ќе им наштети на лицата кои не се вакцинирани. Загрижен дека ќе следи уште поголем број на смртни случаи, д-р Ентони Фаучи, директор на Центарот за инфективни болести на САД, пред два дена изјави дека има за сите нас, три важни информации кои е добро да се прочитаат.

ПРВО ПРЕДУПРЕДУВАЊЕ: Се работи за застрашувачки вирус

“Се работи за исклучително застрашувачки вирус од самиот почеток. Се разви до таа граница да сега се бориме со делта сој кој е неверојатен во смисла да се работи за ист вирус, освен што е способен да се шири исклучително брзо и успешно. За жал, токму се што до денес успеавме да дознаеме за делта сојот е дека следат уште смртни случаи. Глобално ќе се јават уште инфекции, без оглед што сме направиле, но постоеа ситуации каде можевме да донесеме и подобри одлуки. Мислам дека моментално ситуацијата е многу подобра, бидејќи имаме можности кои се ефикасни и безбедни, а тоа се вакцините. Иако моеме да биде горди што голем број луѓе ширум светот сепак се вакцинирани, знаеме дека имаме 70 милиони лица кои не се вакцинирани. Некои смртни случаи можеа да се спречат, но сосема е сигурно дека можеме да спречиме уште повеќе, ако се вакцинираме“, истакнува д-р Фаучи.

ВТОРО ПРЕДУПРЕДУВАЊЕ: Новата таблета против болеста е голема работа, но и натаму треба да се вакцинирате

Д-р Фаучи се согласува дека се работи за голем исчекор, а се работи за мала молекула, лек кој може да се прима орално и резултатите од тестирањето кои се објавени се импресивни.

“Ако ги погледнеме статистичките анализи, јасно е дека бројот на смртни случаи и хоспитализации ќе се намали и до 50 проценти. Важно е да се спомене дека постоеа две групи испитаници, оние на кои им беше даден лажен лек (плацебо) и оние на кои им е даден вистинскиот лек. Се покажа дека во групата во која испитаниците го земаа вистинскиот лек немаше смртни случаи, а во втората група, 8 лица починаа од КОВИД -19. Како и да ја  свртите оваа приказна, овој податок е импресивен. Секако сме возбудени што ќе ја имаме и оваа опција, но сепак, тоа не значи дека вакцината не е потребна. Треба да запомните дека иако постои оваа нова пилула, најлесниот начин да се избегне хоспитализација и смрт е токму вакцинацијата “, заклучува д -р Фаучи.

ТРЕТО ПРЕДУПРЕДУВАЊЕ: Дали носкоро ќе бидеме надвор од опасности?

“Сигурно работите се менуваат кога зборуваме за тековната пандемија, но 20 месеци живееме со пандемија која го бележала својот пик, па пад, па повторно пораст на заболените. За да можеме повторно да направиме уште една пауза и конечно да кажеме дека се е зад нас, треба да го направиме она што веќе го споменавме: вакцинирајте се. Когаво една земја имате 70 милиони луѓе кои можат да се вакцинираат, но одбиваат да го сторат тоа, јасно се гледа што е всушност опасна зона. Значи се работи за нашата способност обезбедиме еден вистински оптимистичен пресврт на ситуацијата, бидејќи сите имавме можност да доживееме пресврти во бројот на заболени. И пак повторувам, ова може да се очекува ако сите се вакцинираме.