Истражувањето покажало дека на овој проблем во голема мера влијае и глобалниот пристап до екстремно преработени намирници, како и склоноста на луѓето се поретко да се занимаваат со некој облик на физичка активност. Авторите на студијата повикале на промени во модерниот систем на исхрана и навеле дека со дебелина се погодени најмногу жителите на Супсахарска Африка и Азија. Околу 20 проценти од луѓето на планетата страдаат од прекумерна тежина, а 30 проценти од децата помали од 4 години не се развиваат правилно. Исто така, 20 проценти од жените се преслаби.
Со овие проблеми во 90-те години на минатиот век се соочувале 45 од 123 држави во светот, а во 2010 година 48 од 126.
До промена на бројките доаѓа заради тоа што начинот на кој луѓето се хранат, пијат и движат постојано се менува. Се поголемиот број супермаркети, полесната достапност до недоволно хранливи намирници и намалената физичка активност резултираат со зголемување на тежината кај повеќето луѓе.
