Долготрајната употреба на антиколинергици е поврзана со ризик од деменција

Антиколинергиците, познати и како парасимпатолитици и ваголитици, се лекови кои ги спречуваат ефектите на невротрансмитерот ацетилколин

Британските научници од Универзитетот во Источна Англија откриле дека долготрајната употреба на антиколинергици кои се користат за ублажување на депресијата, лекување на Паркинсонова болест и лекување на премногу активен мочен меур, се поврзани со поголем ризик од деменција. Инаку, во Велика Британија 1,5-2 милиони луѓе ги користат споменатите лекови.

Антиколинергиците, познати и како парасимпатолитици и ваголитици, се лекови кои ги спречуваат ефектите на невротрансмитерот ацетилколин.

Лекарите при препишувањето на антиколинергици треба да ги имаат на ум можните ризици од нивната долготрајна употреба

Одредени лекови се поврзуваат со поголем ризик од деменција

Уште во 2015 година едно американско истражување ја поврзало употребата на овие лекови со развој на деменција.

Во новото истражување учествувале 40 770 пациенти на возраст од 65 до 99 години.

Инаку, деменцијата е предизвикана од низа различни невродегенеративни процеси кои придонесуваат за неповратно слабеење на когнитивните функции.

Експертите напоменуваат дека лекарите при препишувањето на антиколинергици треба да ги имаат на ум можните ризици од нивната долготрајна употреба, пишува „BMJ“.