Доволниот внес на вода – клучен за намалување на повторувачките уринарни инфекции

Инаку, претходно се претпоставувало дека водата може да го намали ризикот од инфекции на уринарниот систем, но споменатата препоставка не била потврдена со клиничко испитување.

Жените кои имаат проблем со чести повторувачки инфекции на уринарниот систем може значајно да го намалат ризикот од нив доколку пијат доволно вода, покажува извештајот на една нова студија. Водата, според истражувачите, делува низ ефектот на испирање на зголемениот волумен на урината, но можно е да постојат и други ефекти за кои во моментов не сме свесни, истакнуваат стручњаците.

Инаку, претходно се претпоставувало дека водата може да го намали ризикот од инфекции на уринарниот систем, но споменатата препоставка не била потврдена со клиничко испитување.

Се смета дека пиењето поголеми количини вода за подобрување на здравјето е сигурно. Имено, производството на дополнителна урина, а со тоа и зголемување на зачестеноста на празнење на мочниот меур може да ја зголеми свеста за важноста за зачувување на здравјето на мочниот меур и да се намали ризикот од уринарни инфекции.

Според истражувачите, треба да се спомене дека жените кои консумирале поголема количина на вода имале и намалено користење на антибиотици, кои се главна терапија при уринарни инфекции. Намалувањето на прекумерната употреба на антибиотици е клучно за спречување на појавата на бактерии кои се отпорни на лекови.