Дали знаете дека касаат само женките комарци, а мажјаците не. Иако и едниот и другиот пол се хранат од сокот од цвеќиња и овошје, на женките им е потребна и крв за да бидат во состојба да снесат јајца. Затоа кога ќе ве касне женката комарец нема да престане да ’цица’ додека не ги наполни своите резервоари и така не обезбеди храна за своите идни потомци. Токму овде се крие одговорот зошто ист комарец каса и по неколку пати.
Еве кога е поверојатно дека ќе ве касне комарец?
Додека се движите – мислите дека попрво тоа ќе се случи додека мирувате, но всушност не е точно. Обично касаат додека се движите затоа што така ве забележуваат полесно. Затоа обично напаѓаат додека сте на вечерна прошетка.
Се потите – потта е посебен афродизијак за комарците, затоа што еден комарец може да ја намириса и на оддалеченост од 50 метри.
Ако вежбате надвор – тогаш всушност сте вистински магнет од две причини. Ем се движите ем се потите. Шансите уште повеќе се зголемуваат ако има доста зеленило околу вас.
Додека пиете пијалак – особено ако се работи за пиво! Истражувањата покажале дека комарците повеќе ги напаѓаат луѓето кои консумирале пиво.
Дали е точно дека комарците напаѓаат само во вечерните часови? Постојат комарци кои се активни и дење, но тие почесто може да се најдат во природа, не и во поголемите градови. Таму живеат комарци кои најмногу функционираат ноќе.
