Во земјава засега не постои можност да да се бира со која вакцина сака да се вакцинира лицето. АстраЗенека, Фајзер, Синофарм, Спутник се четирите вакцини со кои вакцинираат граѓаните во Македонија. Имунизацијата се спроведува според дистрибуираните вакцини во моментот.
Досега, според информациите од Министерството за здравство аплицирани се вкупно 278.619 дози вакцини, а ревакцинирани се 54.600 лица.
“Со последните бројки, 46% од населението над 65 години има примено барем една доза на вакцина“, информираат од ресорното министерство.
ШТО ВЕЛАТ ИСТРАЖУВАЊАТА?
Резултатите од анализите се ветувачки за сите кои примиле вакцина на Фајзер: Околу 96 проценти од лицата кои примиле само прва доза, развиле и антитела против болеста КОВИД-19. Научниците анализирале над 8.500 лица од Англија, кои примиле Фајзер или АстраЗенека вакцина и немале антитела пред тоа, а резултатите од прелиминарните студии се објавени пред неколку дена.
Во нив се наведува дека околу 96 проценти од лицата кои примиле АстраЗенека или Фајзер вакцина развиле антитела во рок од 28 до 34 дена по првата доза.
“Една доза вакцина на АстраЗенека или Фајзер води до големо зголемување на бројот на антитела кај лицата кои претходно немале КОВИД-19“, стои во извештајот. Антителата се развиле побрзо кај лицата кои примиле Фајзер вакцина, но 4 недели по првата доза, еднаков е бројот на антитела и кај двете вакцини.
Дури 9 од 10 лица кои примиле Фајзер или АстраЗенека во рок од еден месец, ги развиле сите потребни антитела против вирусот, објаснува водачот на студијата Меди Шротри и додава дека е неверојатно колку доборо тие вакцини делуваат, особено ако се земе предвид во колку кус период се направени и смета дека се работи за победа на науката нај најлошата пандемија на овој век.
Антителата кои се јавуваат по првата доза сепак не се доволни кај некои луѓе, на пример, научниците велат дека бројот на антитела е помал кај постарите лица и кај оние со разни состојби, како што се дијабетес, срцеви заболувања, карцином или пијат лекови за автоимуни болести. Оваа информација покажува колку е важно да се придржуваме кон пропишаните мерки и оние коисе вакцинирале, особено за постарите лица и оние на кои им е загрозено здравјето.
