Две нови подваријанти на омикрон може повторно да ги заразат оние кои го прележале

Брзото ширење на подваријантите BA.4 и BA.5 би можело да влијае на ширењето на коронавирусот во останатите земји. Досега научниците веруваа дека лицата, кои преку зимата прележале ВА.1 речиси се имуни на уште позаразната ВА.2 варијанта, која во моментив доминира во таа земја.

Појавени се две нови подваријанти на омикрон варијантата на коронавирус кои можат повторно да ги заразат оние кои прележале омикрон, објавија вчера научниците.

Подваријантите BA.4 и BA.5 го привлекоа вниманието во Јужна Африка каде бројот на заболени во последните две седмици се удвоил, информираат од Универзитетот Џон Хопкинс.

“Дојде како гром од ведро небо. Се чини дека ова е ново поглавје во сагата која нема крај“, изјави д-р Питер Чин-Хонг, експерт за заразни болести од Сан Франциско.

Брзото ширење на подваријантите BA.4 и BA.5 би можело да влијае на ширењето на коронавирусот во останатите земји. Досега научниците веруваа дека лицата, кои преку зимата прележале ВА.1 речиси се имуни на уште позаразната ВА.2 варијанта, која во моментив доминира во таа земја.

Но, наглиот пораст на случаи на подваријантите BA.4 и BA.5 уследи по преходниот бран на омикрон. Околу 90 проценти од населението во Јужна Африка би требало да биде имуно на познатите варијанти на омикрон благодарение или на прележаната болест или на вакцинацијата.

“Ако 90 отсто од луѓето се имуни, а бројот на заболени расте, тоа значи дека ова особено динамично дуо (BA.4 и BA.5) предизвикува повеќе реинфекции, дури и кај лицата кои имале омикрон“, вели д-р Чин-Хонг.

Постоечките податоци не укажуваат дека BA.4 и BA.5 предизвикуваат потешки форми на болеста.