Институтот за јавно здравје неделава издаде препораки за сите патници, а со оглед на појавата на новиот коронавирус во Кина и непознатите работи поврзани со патот на пренесување, на патниците во меѓународниот промер кои патуваат на зафатените подрачја, им советува да се придржуваат на вообичаените мерки на претпазливост, што инаку се советува заради намалување на ризикот од други болести на патувањата.
Ова не е прво предупредување на јавноста дека постои закана од епидемија од некој вирус и поставување на мерки на заштита и превенција, па така до денес “панично“ се плашевме од ебола, свински и птичји грип, зика вирус…
Но, да почнеме од САРС, кој е блиско поврзан со коронавирусот.
Пандемијата на САРС (тежок акутен респираторен синдром) изби 2002. во кинеската покраина Гуангдонг и до сузбивањето во 2003., потврдени се околу 8.000 случаи, а починати се околу 775 лица во 29 земји. Во тој период, Кина забележала 60 процентно намалување на влез на туристи во земјата, додека иста бројка се бележи и во Хонг Конг.
Еболата се појави и минатата година, земајќи бројни животи во Уганда, но се помни и разорна епидемија од пред пет години кога овој вирус однесе над 11.000 животи и предизвика масовна паника поради ширењето во САД и во Европа. Тогаш, Светската здравствена организација прогласи вонредна состојба и епидемија на ебола со глобална опасност, а соопштение за јавноста со мерки за спречување на внес на вирусот на ебола во земјава, издаде и нашиот Институт за јавно здравје.
Пандемијата на свински грип беше исклучително акцентирана 2009/2010 година, а стануваше збор за ширење на заразната болест на луѓе предизвикано од нов сој на вирус на грип, кои јавноздравствените служби прв пат го идентификувале во март 2009, а граѓаните секојдневно можеа да се информираат за мерките на претпазливост и состојбата во земјава на сајтот на Институтот.
Со свинскиот грип, во 2013 година бевме предупредени на најсмртоносниот вирус на птичји грип дотогаш, а мал број на случаи беа потврдени и кај нас.
Светската здравствена организација го прогласи Зика вирусот за глобална закана по здравјето во 2016 година.
Во Европа досега се евидентирани неколку увезени случаи на висурната болест Зика кај лица кои претходно престојувале во зафатените земји. Во 20 земји на Европската унија од јули 2015. до ноември 2016 година, забележани се 1974 случаи на имортирани случаи на Зика вирусна инфекција.
