Познато е дека дијабетесот е голем ризик фактор за сериозен напад на КОВИД-19, а ново истражување покажало дека секој петти хоспитализиран пациент со КОВИД-19 и дијабетес, умира во рок од 28 дена од примеот во болница.
Лицата со дијабeтес очигледно се во многу ризична категорија и треба да бидат меѓу првите групи кои ќе добијат вакцината против КОВИД-19, истакнуваат стручњаците.
Исто така, исклучително е важно лицата со шеќерна болест да го држат под контрола своето ниво на шеќер во крвта, за да избегнат дополнителни компликации од болеста, оти таквите чекори навистина прават разлика во смисол на преживување од КОВИД-19.
Претходно истражување покажа дека 10 проценти од пациентите со КОВИД-19 и дијабетес починале во рок од седум дена по приемот во болница.
Просечната возраст на испитаниците во студијата била 70 години, речиси две третини биле мажи, а поголем дел имале и прекумерна телесна тежина. Околу 40 проценти од испитаниците имале и различни форми на компликации поради шеќерната болест.
