Да се изнесе мало дете пред толку многу публика е навистина стресно – може да се расплаче во секој момент или да почне да ги расфрла играчките.
Но принцот Вилијам и неговата сопруга Кејт имаат решение за овој проблем. Нивната тајна е – клекни и погледни го детето во очи. „Контактот со очи е неверојатно силно средство кое делува“, тврди д-р Деби Гилбоа, специјалист за прашања врзани со родителството. „Нашите деца знаат дека кога ги гледаме во очите го имаат целото наше внимание“.
Ако му се приближите на детето и го погледнете директно во очи, така му покажувате дека обраќате внимание на него и тоа ќе помогне подобро да ве послуша. Додека овој начин на комуникација е лесен и создава одредена поврзаност помеѓу родителите и децата, им овозможува и нешто што е многу важно во таа ситуација, а тоа е – приватноста.
Принцот Вилијам и неговата сопруга Кејт имаат решение за овој проблем. Нивната тајна е – клекни и погледни го детето во очи
„Работа на почитување е да му се даде можност на детето да објасни зошто се чувствува лошо и да го опомените така што никој нема да слушне“, смета д-р Гилбоа.
Ова однесување ќе спречи родителот да се чувствува понижено пред луѓето околу себе, а сите знаеме дека постојат ситуации кога сакаме да го зголемиме тонот или да бидеме строги, но на овој начин си даваме можност подобро да го разбереме детето и да му помогнеме да се смири.
„Ако внимателно го набљудувате детето понекогаш однапред ќе можете да ги препознете сигналите за тревога и на тој начин да делувате превентивно“, велат експертите.
