Алтернативното дишење низ нос, помагаво чистење на енергетските канали и овозможува постигнување на внатрешен баланс. Придобивката од оваа метода на дишење вклучува чувство на благодат, подобрување на помнењето, ублажување на стресот и физичко опуштање.
“Тоа го правите вдишувајќи низ едната ноздра, а потоа издишувајќи низ другата“, вели д-р Мелиса Јанг.
ГО НАМАЛУВА КРВНИОТ ПРИТИСОК, ПОМАГА КАЈ ЗДРАВЈЕТО НА СРЦЕТО И ГО НАМАЛУВА НИВОТО НА СТРЕС
Во студијата објавена во National Library of Medicine истражен е ефектот на модифицираните вежби за бавно дишење врз стресот. Истражувачите кај испитаниците забележале подобрувања во отчукувањата на срцето, систолниот крвен притисок и намалување на нивото на стрес.
“Дванаесет недели модифицирани вежби за бавно дишење го намалија воочениот стрес и ги подобрија кардиоваскуларните параметри“, се вели во студијата.
КАКО ДА ЈА НАПРАВИТЕ ВЕЖБАТА
- За почеток, издишете преку устата
- Подигнете ја десната рака до носот, покријте ја левата ноздра со показалецот, а десната ноздра покријте ја со палецот
- Вдишете низ левата ноздра, додека десната блокирајте ја со палецот
- Блокирајте ја левата ноздра со показалецот. Во овој момент, двете ноздри треба да бидат затворени
- Со блокирани две ноздри, задржете го здивот неколку моменти
- Опуштете го палецот и издишете низ десната ноздра
- Направете пауза при крајот на издишувањето. Потоа, држејќи ја левата ноздра затворена, вдишете низ десната ноздра
- Блокирајте ја десната ноздра со палецот. Со двете ноздри затворени, повторно кратко задржете го здивот
- Опуштете го показалецот за да ја одблокирате левата ноздра и издишете.
