![dolna-obleka1](https://panacea.mk/wp-content/uploads/2018/05/dolna-obleka1.jpg)
Доколку вашата омилена долна облека е во боја или шарена тогаш, веројатно, сте помислиле дека ќе ја уништите доколку ја ставите во машината за перење на 90 степени.
Но тоа е сосема погрешно размислување, бидејќи најпрво треба да мислите на своето здравје. Имено, гаќите, боксерките, а особено тангите, го покриваат анусот, од каде што лесно може да се пренесе бактеријата Ешерихија коли во областа на вагината и уретрата и на тој начин да се поттикне развој на инфекција.
![](https://panacea.mk/wp-content/uploads/2018/05/dolna-obleka-750x500.jpg)
Филип Тиерно, професор по микробиологија на Универзитетот во Њујорк објаснува за „Хафингтон пост“ дека бактеријата Ешерихија коли може да остане на кожата и после темелното миење и на тој начин лесно да се пренесе на долната облека, а се случува оваа бактерија да остане на гаќите и по перењето во машина за перење.
Освен што треба вашата долна облека секогаш да ја перете на висока температура во машина за перење, треба и редовно да ја менувате. Немојте да ги носите истите гаќи подолго од два дена, советува Тиерно, а најдобро е секој ден да облекувате нови
Најдобар начин на перење на долна облека е да ја перете на висока температура со додавање на избелувач за да ги отстраните сите бактерии од неа, а доколку имате омилена долна облека, која не е соодветна за перење на високи температури, тогаш перете ја во топла вода со детергент со додавање на пероксид, препорачува професорот по микробиологија Тиерно.