Еликсирот помага во исфрлањето на секретот од белите дробови на пушачите, а добро е истиот да се консумира и во зима, при разно-разни настинки, вируси, инфекции кои се проследени со кашлица.
Потребни состојки:
- 1/2 кг кромид;
- 1/2 кг кафеав шеќер;
- 1,5 литар вода;
- сок од 2 лимони,
- 7 лажици домашен мед.
Начин на приготвување: Ставете го шеќерот во сад, па растопете го на умерена температура. Топете го додека не почне да се карамелизира, односно не добие убава боја на светол карамел. Потоа додадете го излупениот и ситно сечкан кромид, па промешајте со дрвена лажица мешалка. Внимателно, за да не прска, додавајте ја водата. Убаво промешајте, па оставете да се вари на умерен оган додека течноста остане 2/3, а другата 1/3 испари. Процедете низ газа, за да го отстраните кромидот, па додадете ги сокот од лимон и медот. Сè добро измешајте додека не се раствори медот. Сипете во стаклено шише и оставете го да се излади во фрижидер.
Употреба: Се зема 1 лажица пред секој оброк, се додека сирупот не заврши. Следната доза може да се направи по 3 месеци.
