Постои силна поврзаност помеѓу еректилната дисфункција и болестите на срцето, а неколку студии покажале дека мажите кои страдаат од еректилна дисфункција (ЕД), имаат поголеми шанси да страдаат од болести на срцето.
Еректилната дисфункција е еднакво силен фактор, како и историјата на болеста во семејството и пушењето.
- Што е еректилна дисфункција?
Некогашниот назив импотенција, е заменет со изразот еректилна дисфункција, а се појаснува како неспособност за постигнување или одржување на ерекција, доволна за сексуален однос, а може да има повеќе причини:
- Стрес, депресија, анксиозност
- Повреди на пенисот
- Хронични болести
- Одредени лекови
- Операција на простата
- Цигари, алкохол, наркотици
За да се постигне ерекција, мора да се исполнат три услови:
- Нервите во пенисот мора да функционираат правилно
- Циркулацијата во пенисот мора да биде добра
- Мора да доаѓа до надразба од мозокот
Која е поврзаноста помеѓу ЕД и болести на срцето?
За жал, поврзаноста е силна и докажана. Неколку студии покажале дека ако мажот страда од ЕД, има многу поголем ризик од развој на кардиоваскуларни заболувања. Една студија предупредила дека 57% од мажите на кои им е направен бајпас, и 64% од оние кои доживеале срцев удар, еднаш во животот страдале од ЕД.
