Вообичаено е верувањето дека најмногу микроби и бактерии има на тоалетната школка, но експертите велат дека ова не е точно. Таа всушност и не ни влегува меѓу највалканите домашни предмети.
– Прекинувачите и далечинските управувачи се преполни со бактерии, вели научниот истражувач Карен Холиман.
Најкритично место за кое мислиме дека е мошне хигиенско е кујната. Површините за приготвување храна и даските за сечење се контаминирани со бактерии, додава Холиман. Тој вели дека и секој ден преку прашината вдишуваме големо количество микроби, а таа се таложи во теписите, душеците, постелнината. Ова може да предизвика разни видови алергии.
НСФ Интернационал, светска организација за јавно здравје, ова и го потврдила. Докажале дека ова се предметите во нашиот дом кои поседуваат најмногу бацили:
- Сунѓерите за миење садови и кујнските крпи;
- Мијалниците;
- Чашите за четкички за миење заби;
- Чиниите за храна за миленици;
- Апаратите за кафе;
- Чешмите во тоалетот;
- Играчките за миленици;
- Работните површини во кујната;
- Копчињата и рачките на шпоретот;
- Даските за сечење храна:
Како да се намали бројот на бактерии од овие површини?
Чистењето е очигледно првиот чекор.
„Треба често да се мијат рацете, но и да се чистат сите предмети кои често се допираат и користат“, објаснува Холиман.
