Еве колку мора да спиете, за да успешно ги намалите килограмите

Важно е да се биде добро наспиен. Добриот сон му  помага на мозокот да функционира и општо го подобрува психофизичкото здравје. Спиењето исто така игра улога во способноста за поголемо внимание, донесување одлуки и креативност.

Не постои универзален рецепт за слабеење, но повеќето стручњаци ја тврдат ефикасноста на комбинацијата на кардио вежби, тренинг на сила, исхрана богата со хранливи состојки, контрола на нивото на стрес и доволно сон. Токму квалитетниот сон е важен дел од целта за слабеење, но и составен дел од одржувањето на саканата телесна тежина.

“Важно е да се биде добро наспиен. Добриот сон му  помага на мозокот да функционира и општо го подобрува психофизичкото здравје. Спиењето исто така игра улога во способноста за поголемо внимание, донесување одлуки и креативност“, вели д-р Ризван Султан од Универзитетот Тексас Медикал, кој потенцира дека се потребни седум до девет часа сон ако се обидувате да ја намалите телесната тежина.

Тоа ќе помогне, додава тој, да избегнете замор и поспаност во текот на денот, што вообичаено резултира со недостаток на мотивација за вежбање и општо за движење.

“Добриот сон помага и при рамнотежа на хормоните, особено на оние кои го контролираат гладот и ситоста. Ако сте ненаспиени, нивната рамнотежа може да се наруши, што може да предизвика да јадете повеќе од што ви е потребно“, објаснува д-р Султан.

Неговите препораки се да се избегнува  внесување кофеин по 22 часот, масна храна и алкохол, и да се елиминираат сите екрани од собата каде се спие.