Многу жени мака мачат со нередовната менструација, а кога ќе добијат им трае подолго од очекуваното. Иако ова не е секогаш знак за паника, битно е сепак да се препознаат неколкуте причини за пореметувањето на циклусот.
Хормоните не се во рамнотежа
Ако менструацијата ви е нередовна, а кога ќе дојде трае долго тоа може да биде знак за синдром на полицистични јајници (PCOS), односно хормонално заболување. Жените кои патат од ова пореметување имаат зголемено ниво на андрогени, односно машки полови хормони во крвта, а тоа прави пречки во циклусот.
Лекови
Причина за циклусот кој трае подолго од вообичаеното можат да бидат и некои лекови. На пример, лекови за штитната жлезда, стероиди или психофарматици, сите овие можат негативно да влијаат на нивото на хормоните. Ако проблемот потрае, побарајте лекарска помош.
Миоми
Миомите се (безопасни) тумори во мускулатурата на матката, а се јавуваат кај многу жени на возраст од 25 години, па до менопауза.
Нагло дебелеење
Промената на килограмите може да ја продолжи менструацијата. Имено, зголемената телесна маснотија доведува до зголемување на нивото на естрогените – кои се одговорни за должината на траење на менструацијата.
Стрес
Секој вид стрес влијае на менструалниот циклус, па може да доведе до изостанок на менструацијата, нередовен циклус или долга менструација.
