За заштита од делта варијантата на коронавирусот неопходни се две дози вакцина, објави Европската агенција за лекови (ЕМА)
Европскиот регулатор исто така ги повика земјите членки на Европската унија да ги забрзаат програмите за вакцинација, додека екстремно заразната делта варијанта забрзано се шири низ светот.
„Според прелиминарните податоци, за соодветна заштита од делта варијантата потребни се две дози вакцина против КОВИД-19“, се наведува во соопштението на ЕМА.
“Почитувањето на препорачаниот распоред за вакцинација е клучно за постигнување на највисоко ниво на заштита “, додава ЕМА, која препорачува употреба на две дози на вакцините Фајзер, АстраЗенека и Модерна.
“Делта варијантата на коронавирусот, откриена во Индија, ќе опфати 90 проценти од случаите со КОВИД-19 до крајот на август“, се оценува во соопштението на Европскиот центар за превенција и контрола на болести (ECDC).
Според податоците на Центарот, во десет земји на Европската унија, близу 30 или повеќе проценти од луѓето над 80 години сè уште не ја примиле препорачаната вакцина.
