Европската агенција за лекови (ЕМА) вчера соопшти дека е потребно да се почитува максималниот интервал од 42 дена помеѓу првата и втората доза од вакцината на Фајзер, за да се постигне целосна заштита.
Податоците за ефикасноста на вакцината против КОВИД-19 се темелат на студија во која дозите од вакцината се давани во растојание од 19 до 42 дена, велат од агенцијата, напоменувајќи дека целосна заштита се постигнува седум дена по второто вакцинирање.
“Секоја промена на тоа правило би барала измени во одобрената декларација на производот и повеќе клинички податоци кои би ја поткрепиле таквата промена, а во спротивно би се сметала за неодобрена употреба мимо упатството, објаснуваат од ЕМА.
Таквата употреба подразбира и помала одговорност од производителот на вакцината, заклучуваат од Агенцијата.
