Фактор кој неповолно влијае на изгледот и здравјето на кожата

Генетика, хормони, исхрана и стрес се некои од најчестите фактори кои влијаат на појавата на акни кај возрасните личности. Меѓутоа, неодамнешна студија предупредува на уште еден фактор на ризик – загадениот воздух.

За да ја истражат поврзаноста меѓу загадувањето и акните кај возрасните, француските научници спровеле истражување во Кина. Во текот на две години (од 2014 до 2016) го следеле трендот на бројот на дерматолошки прегледи во зависност од концентрацијата на загадувачите материи во воздухот. Се покажало дека за време на зголеменото атмосферско загадување се зголемува и бројот на посети кај дерматолог заради проблеми со акните.

Овие материи од воздухот ја ослабуваат заштитната бариера на кожата и го оневозможуваат нејзиното правилно функционирање што за резултат има појава на акни. Дерматолозите советуваат употреба на благи средства за чистење наутро и навечер, а еднаш недело употреба и на благ пилинг за лице кој ќе ја ослободи кожата од токсини и длабински ќе ги исчисти порите. Наутро се препорачува и нанесување лесни креми со УВ заштитен фактор, со оглед на тоа дека УВ зраците неповолно влијаат на кожата, ја оштетуваат и го забрзуваат нејзиното стареење.