Фармерките не треба често да се перат, еве и зошто (видео)

Студентот Џош Ли од Универзитетот Алберт спровел една интересна студија со својот професор по текстилно инженерство. Тој 15 месеци секој ден носел ист чифт фармерки, а се бележел со камера за време на тој период

Хигиената е исклучително важен сегмент од нашиот живот и не само што влијае на нас, туку и на луѓето околу нас. Меѓутоа постои една не баш толку „убава“ навика која слободно можете да ја практикувате: речиси никогаш не морате да ги перете своите фармерки. Мислите дека тоа не е добра идеја, погледнете ги следните податоци.

Имено, студентот Џош Ли од Универзитетот Алберт спровел една интересна студија со својот професор по текстилно инженерство. Тој 15 месеци секој ден носел ист чифт фармерки, а се бележел со камера за време на тој период.

Џош фармерките ги носел секаде, ама буквално секаде. Од студената Канада, до сончевата Калифорнија. Во случај да ги извалкал со храна користел марамчиња за да ги отстрани дамките. Кога ќе се појавел непријатен мирис, ги ставал во фрижидер таму да преноќат и така го решавал проблемот. Но една работа останала непроменета – под никакви околности не ги перел фармерките.

После 15 месеци од тестот Џош и неговиот професор го измериле процентот на бактерии во нив, а потоа конечно ги испрале. Потоа повторно ги носел 13 дена, а после тоа следувало ново мерење на нивото на бактерии. Било откриено дека повеќе бактерии се „вселиле“ во периодот од 13 дена отколку во текот на првите 15 месеци на ова истражување.

Ова не е нова информација. Познат произведувач на џинс од Калифорнија всушност ги советува своите потрошувачи џинсот да не го перат повеќе од еднаш месечно. Па доколку барате начин да си ги намалите обврските еве една можност – не ги перете фармерките! Ако ништо друго, барем ќе заштедите на прашок, а и планетата ќе ви биде благодарна заради зачувувањето на водените ресурси.