Физички симптоми за проверка на здравјето

Физичкиот изглед и одредени надворешни показатели можат да укажуваат на она што се случува во организмот.

Проверете каква ви е состојбата со косата, подочниците, направете контрола на бенките и следете дали телото ви задржува течности. Овие брзи проверки се одлична превенција за сериозни здравствени нарушувања.

ТЕМНИ ПОДОЧНИЦИ

Причина: Недостигот на сон може да го влоши овој проблем, но стручњаците сметаат дека нарушената функција на бубрезите (недоволно ефикасна елиминација на штетните материи од организмот), е основен причинител за појава на темни подочници.

Здравствено решение: Во текот на денот пијте доволно течности и почнете да јадете продукти богати со фосфор (интегрална храна, пилешко месо, јајца, семки и јаткасти плодови), со што на бубрезите ќе им помогнете да ја работат својата работа.

ПРВУТ

Причина: Причината за појава на првутот кој медицински се нарекува себореичен дерматит не е точно утврдена.

Здравствено решение: Со оглед дека не постои рецепт за трајно отстранување на првутот, најмногу што може да направите е да ја контролирате оваа појава. Бројни шампони против првут се многу ефикасни. Некои содржат катран, други пак имаа во себе материја слична на салицилна киселина или селен сулфид. Стручњаците советуваат комбинирана примена на препарати од сите три категории.

БЕНКИ

Причина: Бенките се природна појава и сите луѓе ги имаат по кожата по целото тело.

Здравствено решение: Доколку се грижите дали некои од бенките се бенигни или не се, тогаш најдобро е еднаш во годината да направите дерматолошки преглед. Во случај да се покаже дека некоја бенка е потенцијално канцерогена, успешно може да се отстрани по хируршки пат. Иако испакнатите бенки од кои растат влакна главно се бенигни, посебно внимание посветете на оние големите кои се рамни со многу темна боја или неправилни рабови.

ЗАДРЖУВАЊЕ ТЕЧНОСТ 

Причина: Основната причина за задржување на течности во организмот или едем, секако е прекумерното внесување на сол или алкохол, долг период на физичка неактивност и флуктација на хормони. Нашиот организам природно е вешт во балансирање на нивото на течности, но одредени работи може да го нарушат овој баланс, што се манифестира со задржување на течности во ткивата.

Здравствено решение: Пред се, исфрлете ја солта од исхраната и значително намалете го внесот на природно солени продукти. Зголемете го консумирањето вода и редовно вежбајте. Пијте билни чаеви кои се природни диуретици, посебно чај од магдонос.